السلام عليكم ورحمه الله
مساككم \ صباحكم وررد
في بالي واايد اشياء ابا انزلها بالبلوقر
بس انشغل وما احصل وقت
وألاقي نفسي اصور وامسح اصور وامسح
....
يالله خير
في بوست اليوم راح اعرض آخر مشترياتي
هي متفرقه الصرااحه مب كلها بوقت وااحد
والفلسفه بين السطوور
.
.
من الجمعيه
من اليمين لليسار
..
غسول من pond's اسمه
oil control
هو ضد اللمعان وبعد بقوه الطين المعدني
شريته على مدح وحده من البنات على الانستغرام
....
والي صوبه بعد سكراب\مقشر للويه من بوندز بعد
واسمه no blackheads
نفس البنت الي غرضت الغسول مدحته
ماصار لي فتره استخدمه وهو حق الرؤوس السوده وبقوه الطين البركاني
و راح استخدمه في الاسبوع مره
اثنينهم ريحتهم حلوووةه رووعه خاصه الغسول
الشي الي فوق باللون الاحمر
لوشن مرطب للويه مع حمايه من الاشعه الفوق البنفسجيه من ولاي
كنت رايحه اشتري واقي شمس من ولاي وحده من البنات كانت تمدحه
بس يوم رديت البيت لاحظت اني خذت لوشن مرطب ومب واقي شمس 
***مسعوقه***
بجربه قبل لا احكم عليه
الي تحت واقي الشمس كريم مرطب من لاين اساسيات من غارنييه
للبشره العاديه والمختلطه ..
ريحته حلووه وملمسه واايد خفيف وتمتصه البشره بسرعه
احس نص تركيبته مااي لانه منعش
اليوم شاريته واليوم اول استخدام
الله يديم المحبه
دايم غارنييه جي بيننا قصه حب ما تخذلني والحمدلله
احب غارنييه
الي بعده اسكينول
بصراااحه هذا النوع شفته عند يدتي
كنت راايحه بيتهم فالعيد وشفته وجربته اشيل فيه المكياج عيبني
لانه ما يحرق الويه وريحته لطيفه شرات البنوته الي عليه
يوم اقول دايم انه غارنييه ما تخذلني ... هذا المنتج من غارنييه
مزيل مكياج العين 3 مره اشتريه
لانه ما يعور حلوو رائئع واحبه
اوك آخر شي صابونه من دوف
اول مره اشتريها
.
مكيااج
>>>يمكن هالصوره الوحيده غير عن خواتها عسب كنت مصورتنها قبل ... وعقب مسحت الصور وبالباجر صورت الصور المعروضه ويوم نقلتها للاب اتذكرت فاونديشن لانكوم بس للاسف الكاميرا فضت <<<
فاونديشن من لانكوم
teint idole ultra 24h
اول فاونديشن اجربه من لانكوم شارتنه من اريج
الي ما غيبني فيه انه وااااااااااايد غامج علي
اكيد ما بيردونه عسب جي بشتري الي افتح عنه
فالمحل كان نفس لون بشرتي بالضبط
بس يوم رديت البيت وااااايد غامج
زعلت وااايد
الاضواء مال المحل قصت علي ولعبت دور صح 
ماسكارات من سنتر بونت خذيتهم على
sale من فتره
من اليمين الى اليسار
من ريمييل لندن extra wow lash
واذا بحب شي من ريمميل غير الارواج بتكون هاي الماسكارا
الي فالوسط
من ميبلين نيويورك the falsies volum express
معرووفه بماسكاره الدانتيل من ميبلين خخخخخ
مدحتها سندس القطان على الانستغرام وقالت تعطي شرات النتيجه بالضبط بوحده من مسكارات لانكوم
ومدحتها بعد ساام الحلووه
بهذا البوست
عسب جي انا شريتها
واقدر اقول عنها (
اليمه وحبيتها من قلبي دمووع فررحه)
اليمه وحبيتها من قلبي دمووع فررحه)
الاخيره من ريمميل لندن scandaleyes show off
بين وبين
مره احبها ومرات لا
اخييرا جربت شي من ريفلووون
وطبعا كنت ابا اجرب الارواج وها انا ذا
طبعاا اقرب فرع سنتر بوينت لي مب متوفره عندهم ريفلون
بس الافرع الي شوي بعيده عندهم وجربت هالدرجتين
اثنينهم لونهم احمر
اليمين كريمي واليسار مات
المات استخدمه للصباح بالطبطبه لانه غامج مب فاقع واايد شرات الي صوبه
بس حبيتهم حتى الكريمي ثاابت واحس يسوي ترطيب
at all im in love with revlon lipsticks
وان شاء الله بجرب المزيد والمزيد
هذي الآله الجميله من سيقما
sigma cleansing & polishing tool
هي آله لتنظيف الويهه
اتيي مع 3 فرش وحده للجسم للمساج
ووحده للاماكن الخشنه
ووحده للويهه
حبيتها واتخبل والله خبلتني
وياتني هديه معاها فرشااه من سيقما مال الايلاينر
رقم e05
اول فرشاه من سيقما عندي
بس مب باينه بالصوره والله توني انتبه انها مب باينه
خخخ
اليمين تحت ههه صدتوها والا بعد ؟؟؟
.....
وبس هاي هي مشترياتي لهاي الفتره
اذا جربتو شي والا شيات خبروني عنها وشو رايكم بالشي
وعافاكم ربي وتسلموون حتى ع المرور
PEACE
No comments:
Post a Comment