M.A.C online purchases مشترياتي من موقع ماك !!

.

.

.

.

.

السلام عليكم ورحمه الله 

..

شخباركم كيف حالكم ؟؟ 

في بوست اليوم  ابا اعرض لكم مشترياتي من موقع 

M.A.C 

..

طبعاا اكيد وايدين بيقولون :: ليش تطلبين من الموقع ونحن عنا ماك في كل مكان هنيه؟

صحيح انه عنا ماك في كل مكان لكن الصرااحه ما ينعطون ويهه

بين فتره وفتره يزيدون الاسعار .. وصحيح يزيدون 5 دراهم !! لكن لو انقارن مابين الاسعار قبل والحين وااااايد فرق 

يعني بسنه ال 2011 الروج كان تقريبا 70 درهم وشوي لكن الحين 100 درهم 

...

المهم حبيت اني اسوي مقاطعه لمحلات ماك !! 

واروح اشتري من الموقع 

الاسعار واااايد ممتازه وفرق بالنسبه للاسعار هنيه 

الفاونديشن الي دايم اشتريه هنيه فالامارات 157 درهم !!! بالموقع 27$ يعني بالدرهم 99 درهم 

58 درهم زياده 

..

..

على فكره هاي تجربتي الاولى للشراء من امريكا !!

واخترت موقع ماك

.

.

>

<

>

ماطلبت اشياء واايده يعني كتجربه اولى ولله الحمد موفقه وهذا شي يشجعني اني اكمل واطلب من امريكا سوا من ماك او من اي مواقع ثانيه 

....

*مشترياتي*

أول ما وصلت الطلبيه 

البوكس كان مسكر باحكام !! وعليه مثل هذا الورق المقوى

تحت الاغراض وفوقهم ... عسب ما تتكسر الاغراض وهذا اهم شي 

لانه البعض يستقبلون الطلبيات واتكون مكسوره والسبب 

سوء التغليف 

لكن ماك تغليفهم رووعه

.... اشتريت بس 5 اشياء لانه تجربه اولى 

وحطيت فبالي يمكن يكون شي غلط او شي منيه مناك ...الخ 

من اليمين 

matchmaster foundation

34$ - 125درهم

هذا الفاونديشن سالفته سالفه !! 

كنت ادور فاونديشن للاستخدام اليومي يكون خفيف وما يتعب البشره 

دورت منيه مناك وحصلت انه اغلبهم ينصحون بفاونديشن prolong wear  من ماك 

بس في ناس واايدين ما يمدحوونه لانه صعب اتحصلون ع الدرجات .. وغير هذا يوصخ الشيله او الشعر لو يا على ويهج ومن هالكلام 

رديت ادور مره ثانيه وثالثه 

وشفت واايدين ينصحون بفاونديشن matchmaster 

وقمت سالت ال artists  مال شركه ماك من خلال الموقع 

وعطيتهم نوع بشترتي ودرجتي من فاونديشن studio fix  و خبرتهم اني ابا فاونديشن للاستخدام اليومي 

وانصحوني بmatchmaster  وعطوني الدرجه الي توالم بشرتي 

وفعلاا الدرجه واايد اوك علي !! 

والفاونديشن ممتاز للاستخدام اليومي !!! الله اييب المحبه 

studio fix fluid foundation 

27$ - 99درهم

اتعب و اقول احلى فاونديشن بالوجوود >> بالنسبه لي 

اليم احححبه وااايد 

cleanse off oil 

10$ - 36.8 درهم 

زيت يخوز المكياج وحتى مكياج العين 

خذت travel size  كتجربه 

و متوفر للبشره الجافه 

هذا للبشره الدهنيه 

studio careblend \ pressed powder

25$ - 92درهم 

هاي البودره جربتها هنيه ... و عجيبه حلوةه للاستخدام اليومي !! 

miniralize skinfinish soft&gentle 

30$ - 110 درهم 

واايدين يمدحون هالاضاءه تستخدم كايشادو او لمعه على الخد

احسها ما تنفع للصباح 

تنفع للسهرات لان واايد فيها شيمر 

.......................

رأيي 

!!!!

كتجربه اولى حبيت الشي وااايد 

وان شاء الله راح اعيده سواا من موقع ماك او غيره 

انصح البنات الي كارهين استغلال ماك بزياده الاسعار شراتي 

اتجرب الموقع ... لا تطلب واايد كتجربه اولى عسب ماياخذ واايد في الوزن 

ورااح اتحب الشي وااايد 

موقع ماك يوصلون بسرعه حتى لو طلبتي بالويكند 

وعن طريق الايميل راح يطرشون انتي شو طلبتي 

ومتى جهزو الطلبيه ومتى وصلوها عالبريد مالج 

اي سؤال انا حاضره 

هنيه 

انستغرام marymohmet

الاسك 

عافاكم ربي