MORNING ROUTINE >> روتيني الصباحي

.

.

.

السلام عليكم ورحمه الله وبركاته 

HOLA  بنات شخباركم كيف الحال ؟؟ 

ان شاء الله بخير ومرتاحين 

..

اليوم حبيت انزل روتيني الصباحي اليومي 

بما اني موظفه ... احط مكياج كل يوم الصبح 

واحاول انه يكون خفيف للصباح 

..

والفلسفه بين السطوور 

LETS JUMP ON IT 

>

<

>

<

احب انوه انه بشرتي مختلطه ... دهنيه الى جافه 

دهنيه عند ال T ZONE  وجافه على اطراف الويه وخاصه الخدود 

..

اول شي ابدااا بغسل ويهي بهذا الغسول من لوريال ##هايدرا فريش ان تي شاين## مخصص للبشره الدهنيه 

طبعاا انا اول ماشريته كان واايد اوك بس عقب ما شريت آاله سيقما لتنظيف الويهه ونظفت ويهي فيها نظفت بعمق وبينت الاماكن الدهنيه من الجافه وعقبها يوم استخدمه احسسه يجفف الويه واايد عسب جي احط من بعده كريم ارطب به الاماكن الجافه عندي 

يظل رهيب واستخدمه كل صباح قبل المكياج ...

قبل فتره وتحديدا اول ما دخلنا على البرد ... بشرتي واايد صارت غامقه ... طبعا شي طبيعي هذا الشي انه البشره تفتح 

مره وتغمج مره ... لكن شكيت بالموضوع خخخ وحبيت استخدم واقي شمس .. وخاصه لنا نحن بنات الخليج وااايد مهم واقي الشمس 

لان شمسنا وااايد حااره و بتضرر بالبشره واايد .. 

المهم في بوست المشتريات كتبت اني رحت الجمعيه ناويه اشتري واقي شمس من اولاي لانه لقيت وحده تمدحه لكني كنت مستعيله 

وخذت هذا اللوشن للويه اتحراه واقي شمس ب 57 درهم ...

بس جربته وحلووو مش بطال احطه بعد ما اغسل ويهي وتهدا بشرتي هو لوشن تمتصه البشره بسرعه وفيه واقي شمس بنسبه 15 

نفس الفاونديشنات يعني .. وهو لوشن حمايه من الاشعه الفوق البنفسجيه .. على فكره بعد من استخدمته احس كشخه بشرتي ردت مثل لونها خخخخ ماجك .. 

بعده احط على طول برايمر البور من بينيفت ... عسب يسكر لي المسامات حلووو 

اصدق منتج تجميلي الصرااحه

واتريا شوي جم دقيقه و احط هذا الكريم من لوريال نفس لاين الغسول ##هايدرا فريش ان تي شاين ## وتكلمت عنه بالفافريت مال سبتمبر ^^ 

.

بعد جي طبعا ما احط مكياج على طول اتريا بشرتي تمتص الكريم والبرايمر .. يعني اروح اتريق واتطالع التيفي ويا اميه اتر ربع 

ساعه او اكثر بشوي 

عقب ارجع غرفتي و ابدااا بالمكيااج 

ابدا بفاونديشن لانكوم ##تينت ايدول ميريكال## هذا الفاونديشن رهيب للبشره المختلطه او الدهنيه تغطيه لايت\شير الى ميديام 

الي ما حبيته انه الدرجه طلعت واايد غامقه علي لدرجه انه اللون يقلب رصاصي على ويهيي 

عسب جي احطه ويا فاونديشن ماك ##ستيديو فكس فلود## 

ويطلع وااو حلوو .. بس ما اكثر من فاونديشن ماك لانه بيعطيني فل كافريج وانا ما احب هالشي للصباح |:

واستخدم فرشاه البافنج من ريل تكنيك 

عقب انتقل لحواجبي ... 

اهم شي عندي الحواجب الصرااحه 3> .. يعني بعض الاوقات اطلع من دون مكياج لكن حواجبي لازم اسويهم 

المهم ابدااا اول شي ارتب حواجبي باني امشطهم بالفرشاه 

عقب احط القلم !! احك فرشاه الانجل برش بالقلم واحدد فيها حواجبي عقب اعبيها ع الخفيف 

هذا القلم عجيب لونه بني غامق ماخذه مره يوم رحت افصل عبي كان في من بين محلات العبي محل صغيَر يبيع ممكياج وشريته رهيب وطويل ولونه بني لكنه غامق واايد من ماركه اسمها ##ENTHRICE ## رقمه 102

عقب استخدم البودره من مكياجي مجموعه 22K  رقم واحد الي عندي فاتحه 

واعدل فيها حواجبي ع الخفيف 

""طبعا حاليا ما استخدم الواكس هذا اول ماشريتها كنت استخدمه بس وقفت عنه بعد ما خلصت نصه خخخ""

بعض الاوقات الحواجب تضبط على طول ويفرح شكلها 

لكن في اوقات لا .... فالحل اني احددهم من تحت ويطلعوون رووعه مرتبين وحلوين يعجبوني 

استخدم هذا الفاونديشن الكريمي لهذا الغرص من فور ايفر 52 بهاي الفرشاه نفس مالت الكنسيلر بس صغيره

عقب ما اخلص من حواجبي انتقل للبودر 

واستخدم من ماك ستيديو كريبلند حلووةه للصباح تغطيتها ميديام 

وشوي حبه حبتين غامقه علي احبها للصباح .. والي صوبها مالت اختي بس وااايد فاتحه 

في حال اني شقت ويهي واايد غامق من فاونديشن لانكوم احطها ويضبط اللون 

واحطهم بفرشاه الباودر الي وراهم من كاركتر 

عن نفسي افضل الكونتور على البلاشر للصباح احسه طبيعي اكثر واذا بحط بلاشر لون البيش 

..

بعدها ابدا بالعين الصرااحه ما اخذ وقت واايد على العين لاني ما احط لا اي شادو و نادر ما احط اي لاينر فالصباح 

اكتفي بالكحل داخل العين وانوع بهذا الشي مره احط كحل اخضر او ازرق او اسود ... الخ 

وساعات ما احط .. اعتمد على الرمووش 

وهذي بعض المسكارات الي استخدمها فالصباح 

راح اتكلم عنهم اروحهم ان شاء الله 

بالنسبه للشقايف هايول اكثر ارواج استخدمهم بالصباح

طبعا قبل لا احط مكياج او اول ما ابدا احط ارطب شفايفي وقبل لا احط الروج اخفف منه واحدد شفايفي عقب احط الروج 

ومن اكثر الارواج الي استخدمها للصباح 

من اليمين لليسار 

REVLON +++ REALLY RED 006

RIMMEL +++ STARE AT ME 250

MAYBELLINE +++ HOLLYWOOD RED 540

RIMMEL +++ 112

RIMMEL +++ 107

اخر لونين من كولكشن كيت المات 

والمفضل عندي 112 من ريميل اكيد تحته محدد عسب يثبت اكثر 

روج ريفلون وريميل رقم 107 اسويهم بالطبطبه لان الوانهم شوي قويه 

...

وبجي اكون خلصت واروح الدواام بالويه السمبل خخخ والهادي 

.

.

تقدرون تلقوني على الانستغرام 

@MARYMOHMET 

و ع التويتر 

@MARYAM991_

و على الاسك لاي سؤال 

@MARYMOHMET 

ودي اسوي تاق لبنات ع البلوق عسب يخبرونا عن روتينهم الصباحي .. الي تعرف شقايل ياليت اتفيدني 

سلمتو وعافاكم ربي 

P E A C E  

3>