bdellium tools brushes review

السلام عليكم والرحمه 

..

شخباركم شو مسويين 

..

..
في بوست اليوم ان شاء الله راح اسوي ريفيو عن فرشي اليديده 

bdellium tools

( studio mineral 10pc. brush set ) 

من اشتريت هاي الفرش وجربتهم من اول مره 

قلت : يالله قومي سوي ريفيو خخ 

لكن حبيت اعطي نفسي وقت اجربهم واعرفهم عدل مدل 

وعقب انزل الريفيو عسب الاستفاده والريفيو يكونون شاملين 

+ عن bdellium tools +

اسمها دليوم ( silence B ) وتنكتب بدليوم 

الماركه مصممه من محترفين ب فرش المكياج من كاليفورنيا ... والفرش مصنوعه يدويا في مصنعهم الي بالصين 

بالنسبه لشعر الفرش بعض الفرش شعرها بالكامل طبيعي والبعض طبيعي مع صناعي 

وفرشهم كلها ضد البكتيريا و صديقه للبيئه 

و مقسمين فرشهم ل 5 مجموعات 

Maestro 

 

STUDIO

GREEN BAMBU

YELLOW BAMBU

PINK BAMBU

.......................

واايد شفت بنات يستخدمون الفرش في اليوتيوب وتحمست لها 

عسب جي حطيتها بالwish list  وقلت بخذها لكن بعدين مب الحين 

بس شفت estilo  موفرتنهم 

و خذتهم 

...

....

+ let's review it  +

الفرش سعرها مناسب بمتناول الجميع

وفرشها متنوعه بين الحجم العادي و الترافيل والكابوكي و المجموعات والفرش الفرديه والوانها فراحيه 

بالنسبه للفرش بشكل عام وااايد واااااايد وااااااااااااااااايد ناعمات 

والهاند مالهم طويله و عريضه من الخشب والوحده تقدر تتحكم فيهم لما تستخدمهم 

..

المجموعه الي عندي 10 فرش متنوعه مابين فرش الويه والعين 

وراح اقيم كل فرشاه بنفسها 

.....

مع الفرش اتيي جنطه للفرش 

عن نفسي ما احب هالنوع من الجنط 

لكن اشوفها تنفع للسفر وراح احتفظ بها عسب احط الفرش فيها 

بالنسبه للفرش 

#955S Finishing    

فرشاه للويه ( مالت اللمسات الاخيره )

شكلها شرات اي فرشاه stippling 

نااعمه جدااا وسهله فالتنظيف .. وما طاحت منها اي شعره وتتنظف بسرعه 

البعض يستخدمونها للفاونديشن او البلاشر 

انا احبها لل finishing  بعد ما احط فاونديشن استخدمها تدمج الفاونديشن من قلب القلب  

تقييمي لها 

(10 / 10)

#957S Precision Cheek

فرشاه الويه الثانيه 

فرشاه نفس فرش الكابوكي و الباف ... مسطحه من فوق 

واستخداماتها عديده للمستحضرات السائله او الجافه يعني للفاونديشنات او البودرات 

من اكثر الفرش مبيعا بالموقع !! 

سهله بالتنظيف  و لا طاحت منها اي شعره 

انا استخدمها للفاونديشن واتوزع بشكل وااايد حلووو 

تقييمي لها 

(10/10)

#964S AP Blusher   

فرشاه البلاشر 

قصتها حلوةه .. اتوزع البلشر بشكل حلوو وتنفع للبرونز بعد (انا اشوفها جي )

تقريبا 3 فرش في المجموعه تنفع للبرونز او الكونتور 

تنظيفها سهل .. لكن شعرها قام واايد يطيح  بشكل فظيع ... حتى بعد الغسل 

الاقي شعره رايحه فوق عن الباقيين و لما اسحبها اتطيح 

احس طاحت من عيني 

تقييمي لها 

( 4/10) 

السبب لو من اول غسله جي طاح شعرها كيف على جدام ؟؟؟

#945S Contour  

فرشاه الكونتور ذكرتني بفرشاه الكنتور مال ريل تكنيك 

لكن هاي اصغر بالحجم والشعر اقصر 

كثيفه وحلوةه ..

سهله التنظيف .... لكن شعرها قاااااااااام يطيح  شو السالفه ؟؟؟؟

حتى بعد الغسل قام يطيح بشكل فضيع 

مع انه الفرشاه شعرها ناعم ومريحه بالاستخدام 

تقييمي لها 

(4/10)

ثاني صدمه 

#942S Slanted Contour

فرشاه الكونتور المايله 

حلوةه واايد للكونتور ... نااعمه وسهله التنظيف 

الحمدلله فرحتني شوي وما طاحت ولا شعره لا اثناء الغسل ولا بعد الغسل 

تقييمي 

(10/10)

#769S Angled Contour

فرشاه انجل كونتور للعين 

 مشطوفه وشعرها كثيف 

حبيتها لشيئين اول شي للكونسيلر تحت العين وثاني شي يوم احدد حواجبي بالكونسيلر او الفاونديشن ادمجه باستخدامها 

وبعدني ما استخدمتها للعين 

ناعمه شرات خواتها !! وسهله التنظيف 

لكن شعرها قام يطيح  لمتى يعني ؟؟؟

حتى لو اتلاحظون في شعره طايره فوووووق 

ماعرف قلبي عورني 

(6/10)

صح انه شعرها يطيح لكن يعني عايبتني واايد عسب جي درجتين اعلى عن الباقيين 

#776S Blending

اكيد للدمج للعين 

عذاب حبيتها ... عتبرها من اجمل الفرش في المجموعه 

ناعمه .. تدمج من قلب القلب .. سهله التنظيف ما طاحت منها ولا شعره 

(10/10)

#781S Crease

حق طيه العين 

ما استخدمتها واايد الصرااحه يمكن مره او ثنتين 

دام شفت الفرش ال3 الي شعرهم اسود قبلها فل شعرهم قلت اكيد هاي بعد مثلهم بس طلعت احس منهم 

تقييمي 

(10/10)

#755S Smudge

حلوةه لتحت الرموش السفليه

تنظيفها سهل ونفس خواتها ناعمه ولا طاحت اي شعره 

ما استخدمتها واايد يمكن استخدام وااحد بس 

(10/10)

#765S Small Angle Shader

للعين اكيد وشرات الي فوقها ما استخدمتها واايد 

يمكن استعمال او اثنين 

ما طاح شعرها ... سهله التنظيف .. وما طاح شعرها 

(10/10)

+ALL IN ALL +

حبيت الفرش وااايد .. ونعومتهم وكل شي 

حتى وانا استخدمهم استانس
وأكثر الفرش الي حبيتها من المجموعه

..

غير هذا بعض الفرش خاب ضني فيهم وكلهم لون شعرهم اسود مادري شو السبب 

يمكن هايول الي شعرهم بين الطبيعي والصناعي 

..

.

انصحكم فيهم اكيد 

بتحبونهم لكن بتنقهرون من الشعر الي يطيح من بعض الفرش 

ف لو حابين تشترون المنفردات انتو بروحكم تختارون الفرش الي تبونهم 

....

ادري البوست طويل 

بس حبيت كثر ما اقدر افيد 

..

عافاكم