AUG FAVS .. مفضلات اغسطس

السلام عليكم ورحمه الله 

اخباركم علومكم ان شاء الله بخير 

 واخبارج مدونتي من فتره بعيده 

ان شاء الله راده بقووه وانزل بوستات اكثرباذن الله

اليوم بتكلم عن مفضلاتي لشهر اغسطس 

الاشياء الي استخدمتها بكثره بشهر اغسطس و حابتها وجي وجذاك 

SO LETS START 

*مفضلات الشعر *

SHINY HAPPY HAIR 

*ANDREW BARTON HAIR HEROES*

هذا عباره عن protection للشعر من الحراره 

بما انه استخدم استشوار و الفير وغيره وكله حراره 

والحراره اتكسر الشعر واتخلي اطراف الشعر يابسه  

شريته عسب يحمي شعري من الحراره ارشه على شعري قبل ما ابداا وبعد وانا قاعده اسوي شعري ريحته وااايد حلوةه 

وريحه شعري ابداا ما كانت ريحه استشوار والا حرق شعر عارفين الريحه الي اقصدها صححح

وداايم استخدمه احين انا واختي 

من صيدليه بوتس ب 30 درهم 

* مفضلات الجسم * 

BODY MIST 

SATIN ROSE

لازم يوم ادخل H&M  لازم اتلفلف شوي عند مستات الجسم والمكياج مرطبات الشفايف 

ف اول ما عيني شافت هذا المست سحبته وحطيته ويا اغراضي ورحت احاسب 

ما شميته الا فالبيت رييحته أ ت خ ب ل  جي يايه ع روز ماي ورد ماعرف شقايل اوصفها

وصرت ما استغنى عنه كل يوم استخدمه ارشه ع جسمي 

ب 29 درهم من H&M 

* مفضلات البشره *

كريم مرطب للنهار 

اساسيات غارنييه 

قلت قبل انه في قصه عشق بيني وبين غارنييه  هذا الكريم خاص للبشره العاديه والمختلطه 

وانا بشرتي مختلطه وتعبت لين احصل لها مرطب يناسبها 

هذا المرطططب وااايد احبه تحت المكياج يطلع ناعم وحلووو لان جربت مره احط مكياج من دون مرطب ولا برايمر 

وطلع ويهي  ياااااابس ومقشر 

بس هذا المرطب حل لي هاي المشكله الحمدلله 

ما اذكر بجم من الجمعيه ^^

*مفضلات المكياج*

LORAC PRO PALETTE 1

وهل يخفى القمر 

احببه هالباليت امووت عليه احس ابداا ما ندمت لاني شريته 

من يبته لين مر العيد لين بعد العيد ف اغسطس وللحين انا استخدمه 

لو ما بستخدمه بفتحه هههه المهم اتشوفه عيوني 

الي يميز لوراك عن باقي الايشادوات ملمس الشادوو 

مخملي راائع يندمج بسرعه شرات المخمل الحرير عارفين 

اعشششقه 

خذيته اون لاين من موقع nordstrom.com ب 42 $ ( 154رهم)

LORAC BEHIND SCENES EYESHADOW PRIMER 

هذا عباره عن برايمر للايشادو ايي مع القمر الي فوق 

اقدر اقول اني طحت بغرام هالشي الجميل 

جفني دهني لو شوي يدهن وما احب اطلع من البيت كل شوي امسحه 

الحين احط اي شادو لوون هادي مثل الي ف باليت لوراك ( taupe - mauve )

مع هذا البرايمر اطلع من البيت للدوام  الساعه 7 ارد 5 العصر اذا عندي مشاوير يمكن ارد 8 او 9 

لو ارد البيت كل المكياج عادي صاير خفيف من ويهي الا الايشادو ثابت ما يتحرك وجفني مب مدهن ولا شي 

 

ان شاء الله بشتري الحجم الكامل 

BEAUTY BLENDER 

ما عندي كلمه اقولها عن هالاسفنجه الا انه 

اخترااع رااائع جميل يخبل 

وما ندمت لان جربتها 

على فكره اول ما عرفت البيوتي البلندر ما كنت عاطتنها اهتمام واقول شو الفرق بينها وبين الاسفنجات الثانيه غير انها تكبر تحت المااي ؟؟

حطيتها بال WISH LIST  ف اكثر من موقع بس ولا مره فكرت احطها فالسله الا على آخر طلبيه 

كنت طالبه اشياء شوي وقلت خلني احط البيوتي فالسله وطلبتها اممم اول ما يبتها ما كنت متحمستلها ابدااا 

المهم اول ما جربتها الفاونديشن كان مخطط وانا ويهيي مادري ليش شريتها 

بس يوم دمجت فيها الفاونديشن وخلصت  

OMG 

عيبتني النتيجه وااايد ،، واستخدمتها مره وعشر ومليوون وانا حابتهااا واايد 

وما صرت استخدم واايد افرش الفاونديشن الا اذا كنت مستعيله لانه البيوتي يبالها وقت عسب تدمج الفاونديشن عدل 

وحطيت الي لونها اسود والي لونها ابيض فالwish list عسب اطلبهم بعد 

من nordstrom.com ب 19.95$ ( 73درهم)

IT COSMETICS CC+ ( color correcting full coverage cream)

هذا سي سي كريم من ات كوسمتك

اول سي سي كريم استخدمه حتى قبل ما استخدمت بي بي كريم 

اممم طبعاا هذا ينصحون فيه اكثر شي صاحبات البشره الجافه لانه كريم 

  و انا بشرتي مختلطه كيفي ههههه

المهم خذيته لان شفت واايد عليه مدح وانه فل كافريج 

وانا ابا شي خفيف ع ويهي فالدوام بتوكلت واخذته 

واايد حلوو تغطيه كامله يغطي العيوب وااايد حلووو .. فاول يوم العيد استخدمت فاونديشن من ماك 

بس ثاني وثالث ايام العيد استخدمت هذا السي سي كريم  

هو حلوو بس لاحظت انه يخفف من على ويهي فالاماكن الي اتدهن 

بعد 5 او 6 ساعات 

بس يقعد 5 او 6 ساعات شي حلوو بالنسبه ل سي سي كريم  

خذته من drugstore.com  ب 38$ ( 139 درهم)

LOREAL MISS MANGA MASCARA 

هاي الماسكارا اكثر ماسكارا استخدمتها في اغسطس 

وااايد حللوه اتطوول الرموش واتكثفهم و في منها ال waterproof  

بس انا اخذت العاديه .. وتنظيفها سهل 

اخذتها من drustore.com  ب 6.39 ( 23 درهم)

DONE 

 عافاكم ربي وسلمتو ع المرور